Të mërkurën grumbullohet Kombëtarja e Kosovës U20 në basketboll

Të mërkurën grumbullimi i Kombëtares së Kosovës U20 në basketboll do të zhvillohet në palestrën “1 Tetori” nga ora 12:00 deri në ora 14:00. Në listën e gjerë janë ftuar 26 basketbollistë, në mesin e tyre edhe Albatrit Syla dhe Norik Binqe, të cilët do të bashkohen më vonë në grumbullime, për shkak të obligimeve që kanë në skuadrat e tyre, njofton Klan Kosova. Përzgjedhësi i Kosovës U20, Dritëro Sefaja do ta ketë mundësinë të shohë formën e lojtarëve para grumbullimeve të ardhshme. Dardanët e rinj do të luajnë në Divizionin B në Evropian, ku janë në Grupin C së bashku me Suedinë, Gjeorgjinë dhe Ukrainën. Rrini të informuar mbi zhvillimet kryesore duke u bërë pjesë e komunitetit tonë në Viber. BONUS: Merreni aplikacionin tonë në Android dhe iOS.