Sylvinho: Serbët kanë skuadër të mirë por besoj te lojtarët e mi

Shqipëria i shkon Serbisë në ndeshjen e tetorit në kuadër të kualifikueseve për Kupën e Botës 2026. Selektori i Shqiponjave  ka shprehur besim te lojtarët e tij por përmendi se serbët kanë skuadër shumë të fortë. “Do të jetë një ndeshje e fortë dhe e vështirë, për të dyja skuadrat sepse jemi të dyja në moment për t’u kualifikuar. Skuadra e tyre është shumë e fortë dhe me eksperiencë, por në futboll luhet për 90 minuta”, ka thënë Sylvinho në konferencë për media, sipas Euronews.al. “Nuk vendoset një ndeshje nga 15 apo 20 minuta. Sigurisht që do të jemi të fokusuar për 90 minuta për të bërë më të mirën”. “Jemi koshientë për atë që duhet të bëjmë. E thashë edhe më përpara, besoj shumë tek ekipi im, te lojtarët që kur u jep besim, krijohet edhe një atmosferë shumë e mirë te dhomat e zhveshjes. Besoj që do të bëjmë një ndeshje të mirë. Kemi bërë edhe më parë performanca të mira, si në Pragë, në Varshavë dhe do jemi 100% të përqendruar për të bërë 90 minuta të mira”.