Sylvinho flet për ndryshimet e suksesshme në formacion: Ishte zgjedhje strategjike

Trajneri i Shqipërisë, Sylvinho, është shprehur i kënaqur me fitoren e sontme prej 3:0 ndaj Andorrës në kualifikimet për Kupën e Botës 2026. “Ka shkuar shumë mirë, kemi bërë detyrën tonë, ishte një ndeshje e mirë, ata luanin me skemën përgjithësisht 5:4:1, ishte pak e vështirë për t’i zhbllokuar”, ka thënë Sylvinho për Klan Kosovën. “Kemi ndërruar disa gjëra disa lojtarë, në aspektin strategjik të lojës të shkojë mirë”. “Ishte një zgjedhje strategjike, me stilin si ata mbroheshin me skemën 5:4:1 na duheshin lojtarë për ‘tu hapur në krahë dhe Hoxha e bën shumë mirë këtë rol, ndërkohë nga ana tjetër, Broja më përpara ka luajtur në u-19 u-21 edhe më herët në kombëtare, ka bërë rolin e sulmuesit të djathtë, në mënyrë që ne me Julian Shehun i cili bëri një ndeshje shumë të mirë sot, dhe mund të riniste lojën dhe të qarkullonte topin në mënyrë që të krijonte hapësirë për të dy krahët”.