"Sunny Hill" nominohet në dy kategori në "EFA", Dua Lipa fton fansat të votojnë

Festivali i famshëm “Sunny Hill” ka njoftuar se për vitin 2022 është nominuar në dy kategori në ceremoninë e ndarjes së çmimeve “Europian Festival Awards”. “Best Medium- Sized Festival” është nominimi i “Sunny Hill” për organizimin e mbajtur në Prishtinë, ndërsa “Best New Festival” vlen për organizimin e këtij festivali në Tiranë, përcjell Klankosova.tv. E lajmit për nominimet e “Sunny Hill” duket t’iu ketë gëzuar edhe vet këngëtarja shqiptare me famë internacionale, Dua Lipa që është po ashtu bashkë organizatore e festivalit, ndërsa nuk ka hezituar ta ndajë lajmin me miliona ndjekësit e saj në Instagram. Ylli i hitit “Levitating” i ka ftuar fansat e saj të dërgojnë votat e tyre për “Sunny Hill”, më poshtë lexoni njoftimin e plot të Dua Lipës. Dashuria juaj verore, Sunny Hill Festival, është nominuar nga European Festival Awards 2022 në dy kategori: Festivali më i mirë i ri (për edicionin e Tiranës) dhe Festivali më i mirë i përmasave mesatare (Edicioni i Prishtinës). Tani ju mund të luani rolin tuaj! Le t’i tregojmë botës se kujtimet tuaja verore me edicionet tona në Prishtinë dhe Tiranë ia vlenin vërtet. Votoni dhe përhapni fjalën. Sunny Hill Festival ka nevojë për gjithë dashurinë dhe mbështetjen tuaj. Le ta bëjmë atë të numërohet – çdo votë ka rëndësi.