Sulmuesi 37-vjeçar i Barcelonës, Robert Lewandowski, po mendon të varë këpucët në gozhdë.
Sipas The Touchline, sulmuesi polak i Barcelonës po e shqyrton mundësinë e tërheqjes nga futbolli në fund të sezonit 2025/26, transmeton Klankosova.tv
Pavarësisht thashethemeve që e lidhin Lewandowskin me një transferim në Arabinë Saudite, vetë lojtari heziton për një transferim të tillë. Ai dhe familja e tij e shijojnë jetën në Katalonjë dhe nuk tundohet nga perspektiva e marrjes përsipër të një sfide të re kaq larg shtëpisë. Sidoqoftë, ende nuk është marrë një vendim përfundimtar dhe ai do të vijë në fund të sezonit.
Këtë sezon, Lewandowski është paraqitur në 31 ndeshje për Barcelonën (1,600 minuta), duke shënuar 13 gola dhe duke dhënë tre asiste./Klankosova.tv
●●●
VZSHKRIMI NGA
Vanesa Zhugolli
Editorial nga Klan Kosova — ndjek sport dhe zhvillimet e tjera kryesore të vendit.
