Sulmuesi i Bayern feston një tjetër rekord pas kualifikimit dramatik

Bayern Munich jo vetëm që siguroi një kualifikim spektakolar në gjysmëfinale, por pa edhe një moment të madh individual nga sulmuesi i tij kryesor, Harry Kane. Anglezi festoi në fund të një përballjeje klasike, duke arritur shifrën e jashtëzakonshme prej 50 golash në të gjitha garat këtë sezon. Kane ka qenë lider absolut i bavarezëve gjatë gjithë edicionit, duke udhëhequr skuadrën me gola vendimtarë si në Bundesliga ashtu edhe në Liga e Kampionëve. Forma e tij e jashtëzakonshme ka qenë një nga faktorët kryesorë që Bayern ka arritur deri në këtë fazë të avancuar të kompeticionit, ndërsa 50 golat e shënuar e vendosin atë mes sulmuesve më të frikshëm në botë këtë sezon. Në një mbrëmje të mbushur me emocione dhe dramë, Kane kurorëzoi gjithçka me një tjetër arritje personale, duke konfirmuar sezonin e tij fantastik, me një gol kundër Real Madridit, që e dërgoi në shifrat magjike./Klankosova.tv