Studimi zbulon se shumica e rasteve të rënda me COVID-19, kanë simptoma afatgjatë

Një studim i ri mbi COVID-19, nënvizoi rëndësinë e vaksinimit tek sa më shumë njerëz, pasi shfaqte se si disa nga ata që kishin koronavirusin, mund të vuajnë nga simptomat muaj më vonë. Sipas analizës së botuar të mërkurën në JAMA Network Open, gati tre të katërtat e pacientëve me COVID-19 të moderuar me gjendje të rëndë, kishin të paktën një simptomë afatgjate. Studiuesit nga Universiteti Stanford zhvilluan një përmbledhje të 45 studimeve që ndoqën 9,751 pacientë në muaj pas infektimit me COVID-19. Ata zbuluan se 73% e pacientëve kishin të paktën një simptomë 60 ditë pas diagnozës, fillimit të simptomës ose pranimit në spital. Ky zbulim ishte i qëndrueshëm edhe në studimet që ndoqën pacientët deri në gjashtë muaj, njofton CNN, transmeton Klankosova.tv "Ne nuk kishim të dhëna për individët që u infektuan me COVID-19 dhe thjesht vazhduan ditën e tyre, kështu që nuk duam të shkaktojmë shumë alarm me vlerën e 73% të njerëzve që përjetojnë rezultate afatgjata," Tahmina Nasserie, kandidate për epidemiologji dhe shëndet të popullatës në Universitetin e Stanfordit dhe autorja kryesore e studimit. Studiuesit gjithashtu zbuluan se në të gjitha studimet, 40% e pjesëmarrësve përjetuan lodhje, 36% kishin gulçim dhe 25% të tjerë raportuan një paaftësi për t'u përqendruar, shpesh të referuara si ‘mjegulla e trurit’.