Studimi: Vaji i peshkut me dozë të lartë mund të rrisë rrezikun e A-fib në pacientët me zemër

Shumë njerëz marrin vaj peshku për të mbrojtur zemrën e tyre, por një studim i ri sugjeron që marrja e tyre me recetë mund të rrisë rrezikun e një çrregullimi të zakonshëm të ritmit të zemrës. Bëhet fjalë për acidet yndyrore Omega-3 me recetë, të cilat gjenden natyrshëm në vajin e peshkut. Medikamentet shpesh u përshkruhen njerëzve me trigliceride shumë të larta, një lloj yndyre në gjak, e lidhur me rritjen e rrezikut të sulmit në zemër dhe goditjes në tru. Sipas Shoqatës Amerikane të Zemrës, Omega-3 me recetë mund të ulin trigliceridet me 20% në 30% në shumicën e njerëzve. Por ilaçet janë gjithashtu të diskutueshme, sepse përfitimet e tyre përfundimtare për zemrën janë të paqarta. Tani studimi i ri, një analizë e pesë provave klinike, sugjeron që të ketë kujdes. Në të pesë provat, kishte më shumë raste A-fib në mesin e pacientëve me Omega-3 sesa pacientët me placebo, megjithëse ndryshimi në rrezik nuk ishte statistikisht i rëndësishëm në të gjitha studimet. A-fib është një çrregullim i zakonshëm i ritmit të zemrës, ose aritmia, në të cilën dhomat e sipërme të zemrës fillojnë të dridhen kaotikisht në vend që të tkurren në mënyrë efektive. Por kur studiuesit bashkuan rezultatet e të pesë provave, kishte një rezultat të qartë: pacientët me Omega-3 kishin 37% më shumë gjasa për të zhvilluar një A-fib se sa pacientët me placebo. Në të kundërt, vetëm një provë tregoi se një produkt Pmega-3 mund të shkurtojë rreziqet e kushteve të tjera të zemrës. Analiza u botua së fundmi në European Heart Journal - Kardiovaskular Farmakoterapia. Hulumtuesit sygjerojnë se është më mirë të flasësh me një mjek ose farmacist para se të fillosh ndonjë produkt vaji peshku dhe që njerëzit me Omega-3 me recetë duhet të flasin me mjekun e tyre para se të ndalojnë, transmeton Klan Kosova.