Studim: Shumica e duhanpirësve që kalojnë në cigare elektrike, pas një viti kthehen prapë te ato të zakonshmet

Ata që kanë qenë duhanpirës në një kohë dhe që vendosin ta lënë atë duke kaluar në cigare elektronike, kanë më shumë gjasa të rikthehen brenda 12 muajve në ato tradicionale sesa ata që heqin dorë plotësisht nga nikotina, tregojnë hulumtimet. Një studim që gjurmoi 13 mijë e 604 duhanpirës që përdorin 12 produkte duhani nga viti 2013 deri në vitin 2015 zbuloi se, nga ata që ishin në gjendje ta linin plotësisht, 50 përqind ishin ende pa cigare një vit ose më vonë. Por nga ish-duhanpirësit që u zhvendosën në cigare elektronike ose ndihmës të tjerë të ndërprerjes, vetëm 41.5 përqind arritën të mos ktheheshin te cigaret tradicionale, shkruan The Sun, përcjell Klankosova.tv "Lënia e duhanit është gjëja më e rëndësishme që një duhanpirës mund të bëjë për të përmirësuar shëndetin. Por gjetjet tona tregojnë se kalimi në cigare elektronike e bëri atë më pak të mundshme për të qëndruar jashtë cigareve", ka thënë John Pierce, profesor në Universitetin e Kalifornisë.