Studim: 15 mijë hapa ecje në javë, shton tre vjet në jetën tuaj

Duke i bërë njerëzit joaktivë të ecin vetëm 5 mijë hapa tre herë në javë, mund t'i kursejë Shërbimit Shëndetësor Britanik 15 miliardë paund, sugjeron një studim i ri. Zëvendësimi i stileve të jetesës dembele me nivele të moderuara aktiviteti do të bënte një ndryshim të rëndësishëm në shëndetin e përgjithshëm të vendit, zbuloi një studim, përcjell klankosova.tv. Hulumtimi i kryer nga siguruesit Vitality dhe London School of Economic sugjeron se adoptimi i ushtrimeve të zakonshme mund të shtojë gjithashtu deri në tre vjet jetëgjatësisë. Ata hartuan sjelljet dhe zakonet e më shumë se një milion njerëzve në Mbretërinë e Bashkuar dhe Afrikën e Jugut gjatë një dekade. Me rreth 35 për qind të popullsisë së Mbretërisë së Bashkuar të klasifikuar si joaktive, kjo po nxit rënien e shëndetit dhe në rritje të sëmundjeve jo të transmetueshme si diabeti i tipit 2, që shpesh rezulton në shtrimin në spital. Ata zbuluan se nëse gjysma arrin 5 mijë hapa një herë në javë, ulja e shtrimit në spital mund të çojë në një kursim vjetor prej 4 miliardë £ për Shërbimin Shëndetësor Britanik. Kjo rritet në 15 miliardë paundë nëse ata që nuk bëjnë ushtrime të zakonshme fillojnë të ecin 5000 hapa tre herë në javë, thanë ata. Ndikime të mëdha pozitive u panë në të gjitha grupmoshat, por kjo ishte veçanërisht e vërtetë për gjeneratat e vjetra. Mbajtja e një zakoni të shëndetshëm të aktivitetit fizik – të paktën 5 mijë hapa tri herë në javë për dy vjet – mund të shtojë midis 2.5 vjet për burrat dhe 3 vjet për gratë në jetëgjatësinë, zbuluan ata. Ky aktivitet gjithashtu çoi në nivele më të ulëta të diabetit të tipit 2 dhe zvogëloi rrezikun e vdekjes tek ata që tashmë e kishin atë me 40 për qind.