Spitali i Ferizajt: Për pesë vjet me 5 U.D. të drejtorëve (VIDEO)

Në Spitalin e Ferizajt, për pesë vjet u ndërruan pesë drejtorë. Lëre që pozita mbeti me ushtrues detyre, por edhe aktualja, Minire Alijaj-Beqiraj, nuk e ka fort të qartë se sa paraardhës pati, raporton Klan Kosova. Me ushtrues detyre ka gati një vit dhe Spitali i Vushtrrisë. Shkurt si U.D. në këtë spital ishte radiologu Fitim Meniqi. Aty ai qëndroi veç për gjashtë javë. Për monitoruesit e shoqërisë civile, mbajtja e spitaleve me U.D. të drejtorëve, viteve të fundit sikur është normalizuar. E fenomeni është tejet shqetësues. Udhëheqja e spitaleve për kohë të gjatë me U.D. të drejtorit, vlerësohet edhe si rrezikim i ligjshmërisë së vendimeve që merren. Kronika më poshtë sjell më shumë detaje: https://youtu.be/eJrjYWoFR9A