Spanja përgatitet për valën e dytë të të nxehtit, temperaturat pritet të mbërrijnë deri në 44ºC

Spanja ka lëshuar alarmin për pjesën më të madhe të vendit, pas një vale të dytë të nxehtësisë që pritet ta godasë këtë shtet. Agjencia shtetërore e motit në Spanjë ka paralajmëruar ekstremin e të nxehtit me temperatura maksimale prej 42–44 °C që priten deri të martën. Sipas agjencisë, temperaturat ekstreme do të nisin nga e hëna, derisa nga e marta ato pritet të shkojnë deri në 44ºC. Këto temperature pritet të godasin disa rajone. Ndryshe, Spanja edhe ditë më parë ishte përfshirë nga i nxehti i madh, ku si pasojë e kësaj mbi 1 mijë persona kanë humbur jetën, derisa ky vend kishte regjistruar gjashtëmujorin e parë më të nxehtë në histori, sipas autoriteteve. /Klankosova.tv