Kompeticioni i FIFA Club World Cup, që ka startuar javën e kaluar, nga sot e tutje do të fillojë të nxehet, pasi ka arritur momenti për ndeshjet përcaktuese dhe për të mësuar se kush do të jenë dy skuadrat finaliste që mes tyre do të luftojnë në vikend për epitetin si “Skuadra më e mirë e botës”.
Në kuadër të gjysmëfinaleve do të zhvillohen dy duele.
Fillimisht sot do të keni mundësinë të ndiqni përballjen mes kampionëve të kontinentit të Amerikës Jugore, Palmeiras nga Brazili dhe kampionëve të kontinentit të Afrikës, Al Ahlyt nga Egjipti.
Ndeshja mes tyre fillon nga ora 17:30 dhe transmetohet live dhe ekskluzivisht në Art Sport 1 nën komentimin e Valon Krasniqit.
Nesër, të mërkurën, me po të njëjtin orar mund të përcillni duelin mes kampionëve të Azisë, Al Hilal dhe kampionëve të Evropës, Chelseas. Edhe ajo ndeshje do të transmetohet direkt në Art Sport 1 me komentimin e Arlind Sadikut.
●●●
LHSHKRIMI NGA
L H
Editorial nga Klan Kosova — ndjek sport dhe zhvillimet e tjera kryesore të vendit.
