Sot zhvillohen dy super derbi në Ligën e Parë futbollistike të Kosovës

Të dy Trepçat e Mitrovicës, sfidohen sot nga kundërshtarë të fortë në Ligën e Parë. Në stadiumin "Riza Lushta" zbret Vëllaznimi i Gjakovës, për t'u ballafaquar me "89-shin" vendas, njofton Klankosova.tv. Të dyja këto skuadra e kanë synim inkuadrimin në Superligë, teksa aktualisht me 41 pikë të grumbulluara, gjakovarët kanë pesë më pak se Drenica e vendit të parë dhe një më shumë se rivali i sotëm. Kjo përballje e madhe e Grupit A, transmetohet direkt në kanalin Sport 2 të platformës kryesore shqiptare, ArtMotion. Kurse në Sport 1, zë vend një tjetër ndeshje shumë e fortë, e të njejtit grup, me klube që kanë të njejtat objektiva, raporton Klankosova.tv. Liria që për momentin renditet e dyta me 43 pikë, është nikoqire e "Torcidës" në stadiumin "Përparim Thaçi" në Prizren. Trepça që ka pesë pikë më pak, do të luftojë sot për ta kapur 'trenin' e fundit që ia mban gjallë shpresat, të paktën për barazh. Të dyja këto ballafaqime fillojnë në orën 15:00!