Sot zhvillohen dy gjysmëfinale të zjarrta në Superkupen e Kosovës në baketboll

Superkupa e Kosovës në basketboll po vazhdon të sjellë ndeshje fantastike për adhuruesit e këtij sporti. Sot do të zhvillohen edhe dy ndeshje tjera të nxehta në gjysmëfinale të kësaj gare, raporton Klankosova.tv. Nga ora 17:00, në kryeqytet ballafaqohen mes vete Golden Eagle Ylli dhe Sigal Prishtina. Fituesi ndërmjet tyre e pret në finalen e madhe Trepçën ose Bashkmin, të cilët takohen sonte prej orës 20:00. E finalja e Superkupës kosovare zhvillohet të dielën nga ora 17:00 dhe transmetohet direkt në Klankosova.