Sot në Prishtinë shfaqet premiera e filmit dokumentar kushtuar Izet Gjinovcit

Premiera e filmit dokumentar "Izi - Ëndrra vazhdon" me producent Orhan Kerkezi, është filmi kushtuar të ndjerit Izet Gjinovci, njërit prej personaliteteve më të dalluara të hendbollit dhe sportit kosovar në përgjithësi, që mbahet sot në Kino ABC në Prishtinë nga ora 18:00, Dokumentari paraqet jetën, veprën dhe kontributin e jashtëzakonshëm të Gjinovcit për sportin kosovar. Është një rrëfim frymëzues që ruan kujtimin për të ndjerin dhe përcjell atë te brezat e ardhshëm. Izet Gjinovci vdiq më 5 gusht të vitit të kaluar në moshën 63-vjeçare. Ai e kreu punën e sekretarit të përgjithshëm të Federatës së Hendbollit të Kosovës nga viti 2002 e deri në frymën e fundit. Ishte pjesë vendimtare e proceseve të rëndësishme për hendbollin kosovar, si pranimi i kushtëzuar e më pas i plotë në EHF e IHF./Klankosova.tv