Sot mbahet mbledhje komemorative për nder të jetës dhe veprës së aktorit Luran Ahmeti

Teatri Shqiptar në Shkup, sot do të realizojë takim komemorativ për nder të jetës dhe veprës së aktorit Luran Ahmeti. Takimi do të zhvillohet në orën 14:00, në objektin e Teatrit Shqiptar të Shkupit. Përndryshe, Luran Ahmeti, ndërroi jetë më 25 mars 2021 në moshën 46 vjeçare. Ai ndërroi jetë pas komplikimeve të shkaktuara nga koronavirusi, pas disa ditësh i shtrirë në Klinikën Infektive në Shkup. Ahmeti është i njohur për rolet e shumta në skenën e teatrit, si dhe rolet e ndryshme në filma, si ato vendore dhe ndërkombëtare, shkruan portalb.mk, transmeton Klan Kosova.