Sonte në Prishtinë nis festivali ndërkombëtar i poezisë “Republika”

Festivali ndërkombëtar i poezisë “Republika” këtë vit shënon edicionin e tij të 7-të, me pjesëmarrjen e 17 poetëve nga Ballkani dhe vende të ndryshme. I dalluar për nga koncepti dhe mënyra e organizimit, ky festival ka fituar rëndësi jo vetëm në vendin tonë, por në rajon dhe më gjerë. Përgjatë 3 ditëve do të ketë, promovime librash, shfaqje të dokumentarëve, panel diskutimi mbi përkthimet dhe letërsinë, ekspozitë, performance muzikore, interpretim të poezive, etj. “Republika” ka natyrë jokonkurruese, duke nxitur frymën e miqësisë dhe kremtimin e ekselencës letrare, transmeton Klankosova.tv. Ky festival zgjat deri më 16 shkurt dhe mbahet në Kino Armata në Prishtinë.