Sonte finalja e Kupës së Italisë, si erdhën Bologna dhe Milani deri këtu?

Sonte me fillim nga ora 21:00 zhvillohet finalja e Kupës së Italisë midis Bologna-s dhe Milanit, lojë që jepet në Sport 1 të platformës më të madhe në vend, Art Motion. Padyshim befasia është Bologna e cila arriti një sukses të hatashëm duke zënë një vend në “Olimpico”. Klubi i Vincenzo Italianos gjatë rrugës hoqi Monzën në 1/8 e finales, 4:0, teksa mposhti Atalantën në çerekfinale me rezultat 1:0. Në gjysmëfinale ata patën punë ne Empolin e Ardian Ismajlin, që e mposhtën dy herë, 0:3 dhe 2:1. Rrugë më të zorshme pati klubi namëmadh, Milan të cilët në 1/8 e finales hoqën lehtë Sasuolon, 6:1, e në çerekfinale patën përballë Romën, të cilën e mposhtën në mënyrë solide, 3:1. Finale para finales për ta ishte derbi lokal me Interin, të cilëve ua bënë sikurse në Superkupë gjatë janarit: i eliminuan. Kuq e Zinjtë barazuan me ta në shtëpi 1:1, por bënë namin në ndeshjen e kthimit kur e mposhtën kampionin në fuqi të Italisë, 0:3.