Sondazh: Shumica e amerikanëve të pavaksinuar nuk duan të imunizohen

Shumica e amerikanëve që nuk janë vaksinuar kundër COVID-19 thonë se nuk ka gjasa të marrin dozat e vaksinave. Kjo u tha në një sondazh të ri, në të cilin tregohen edhe sfidat me të cilat përballen zyrtarët e shëndetit publik në mes të rritjes së infeksioneve. Sipas sondazhit NORC nga Qendra për Kërkime të Çështjeve Publike rej të rriturve amerikanë që ende nuk janë vaksinuar, 35 përqind e tyre thonë se nuk do t’a marrin vaksinën, shkruan AP, transmeton Klankosova.tv. Ndërsa 64 përqind e amerikanëve të pavaksinuar kanë pak ose aspak besim se dozat janë efektive kundër varianteve COVID-19, përfshirë variantin delta që zyrtarët thonë se është përgjegjës për 83 përqind të rasteve të reja në SHBA. Ndryshe, 86 përqind e atyre që tashmë janë vaksinuar kanë të paktën një farë besimi se vaksinat do të funksionojnë.