Los Angeles FC janë duke punuar aktivisht për një marrëveshje të madhe për të sjellë kapitenin e Tottenham Hotspur, Son Heung-min në ligën amerikane të futbollit, MLS.
Sipas “The Athletic”, sulmuesi jug-korean mund të mos e ketë më të garantuar vendin e startuesit nën menaxherin e ri të Spurs, Thomas Frank, dhe me vetëm një vit të mbetur në kontratën e tij, LAFC e sheh një mundësi për të realizuar një lojtar të madh para Botërorit 2026 në Amerikën Veriore, transmeton Klankosova.tv.
Son, 33-vjeç, po hyn në fazën finale të karrierës së tij por mbetet një super-yll. Një kalim në ShBA do t’i garantonte atij minuta loje në një kohë kyçe para Botërorit, ndërsa LAFC-së do t’i ofronte një mundësi të rrallë për të nënshkruar në një super-lojtar.
Vlera e tij aktuale në treg është 20 milionë euro dhe do ta bënte atë asetin më të vlefshëm në histori të MLS-së. Vetëm Riqui Puig i LA Galaxy aktualisht vlerësohet më shumë.
Son ka shënuar 127 gola dhe 77 asiste në 333 ndeshje në Premier League dhe më në fund arriti të fitonte një trofe me Spurs më 2025 kur fituan Evropa Ligën. /Klankosova.tv
●●●
ASHKRIMI NGA
A
Editorial nga Klan Kosova — ndjek sport dhe zhvillimet e tjera kryesore të vendit.
