S'ka fitues në derbin e zjarrtë të Londrës, Chelsea dhe Arsenal ndahen në paqe

Ka përfunduar pa fitues derbi i Londrës mes Chelseat dhe Arsenalit. Ndeshja në “Stamford Bridge” ka përfunduar me rezultat 1:1. 45 minutat e para përfunduan pa gola, derisa golat erdhën në të dytën. Të parën s'pati gola, mirëpo pati shumë kartonë të verdhë e një të kuq. Me të kuq u ndëshkua Moises Caicedo në minutën e 38-të të ndeshjes. Edhe pse me një lojtar më pak, Chelsea shënoi në minutën e 48-të të pjesës së dytë me anë të Trevoh Chalobah. Mirëpo, reagimi i Arsenalit ishte pothuajse i menjëhershëm. Pas 11 minutash nga goli i pësuar, Arsenali i Mikel Artetas barazoi për 1-1, me anë të Mikel Merinos, që u asistua nga Bukayo Saka. Me këtë barazim, Arsenali mbetet në pozitën e parë, pesë pikë përpara vendit të dytë, Manchester Cityt dhe gjashtë pikë më shumë se Chelsea që pozicionohet i treti me 24 pikë.