Sigal Prishtina takohet me gjigantët grekë në kuadër të ndeshjeve miqësore

Klubet kosovare po e vazhdojnë fazën pregaditore me intenzitet të lart ku së fundi edhe i publikuan oraret e ndeshjeve kontrolluese. Sigal Prishtina do të përballet me kundërshtarë të nivelit të lartë duke i përfshirë dy skuadrat e mëdha greke PAOK e Iraklis, transmeton klankosova.tv. Bardh e Kaltërit me 12 Shtator do të përballen me PAOK-un si mysafirë kurse me skuadrën Iraklis dy duele do të i zhvillojnë më 18 dhe 20 shtator poashtu në Greqi. Më 12 Shtator kryeqytetasit do të i masin forcat me Golden Eagle Yllin para fillimit të këtij edicioni. Në anën tjetër edhe Bashkimi së fundi e publikoi orarin e ndeshjeve ku më 4 Shtator takohen me Podgoricën, më 6 Shtator me skuadrën Jedinstvo ndërsa në shtëpi me 10 Shtator e presin Vëllaznimin kurse me 13, do t'i presin kampionët aktual Trepçën me të cilët e përmbyllin ciklin e ndeshjeve kontrolluese në Mitrovicë më 16 Shtator. Në anën tjetër Peja do t'i zhvillojë 6 ndeshje duke nisur me 6 Shtator në Pejë kundër Besëlidhjes, më 13 shtator takohen me Vëllaznimin, më 16 shtator udhëtojnë në Maqedoni ku fillimisht takohen me Rabotniqkin, më 18 Shtator i pret TFT-ja, më 20 Shtator janë mysafir të ekipit shqipëtar BC Çair ndërsa me 27 shtator e zhvillojnë ndeshjen e fundit kontrolluese kundër Golden Eagle Yllit në Therandë.