Shumë qytetarë i përgjigjën iniciativës së tifo-grupit Dardanët

Tifozët e Kosovës, Dardanët, kanë nisur një iniciativë para dy dueleve që Kombëtarja e Kosovës do t’i ketë kundër Moldavisë sonte dhe Greqisë tre ditë më pas. Kjo tifozëri ka bërë thirrje për vendosjen e rekuizitave dhe flamujve të Kosovës në ballkonet e shtëpive në gjithë vendin, si shenj përkrahje për futbollistët Dardanë, pasi ndeshjet e lartëcekura do të zhvillohen pa prezencën e shikuesve, si shkak i pandemisë COVID-19, transmeton Klan Kosova. Kësaj iniciative tashmë veçse kanë filluar t’i përgjigjen shumë tifozë të Kosovës të cilët kanë dekoruar ballkonet e tyre, imazhe këto të publikuara në faqen zyrtare të Dardanëve. “Nga secila shtëpi në përkrahje të luanëve tanë. Forca Kosova”, kanë shkruar ata. https://www.facebook.com/dardanetks/posts/2084067358393603