Shtirej si i dashuri i vajzës së tij e më pas e përdhunoi

Një baba është shtirur si i dashuri adoleshent i vajzës së saj, në mënyrë që ajo t’i dërgonte fotografi nudo në internet dhe më pas e ka abuzuar seksualisht. 41 vjeçari mund të dënohet me 250 vjet burgim pasi që nga Gjykata në New York është i akuzuar për 12 akuza, transmeton Klan Kosova. Burri, që nuk është identifikuar me qëllim mbrojtjen e vajzës së tij, është shtirur si një 16 vjeçar dhe kishte hapur llogari në rrjete sociale me anë të së cilave kishte filluar një “lidhje” online me vajzën e tij. Ai i kishte bërë presion asaj që t’i dërgonte foto e zhveshur, por ajo në fillim kishte refuzuar; Pas disa muajve ajo i kishte thënë se nuk dëshironte më të vazhdonin sepse gjithë çfarë fliste ai ishte seksi. Kur u ndanë, ajo vazhdonte të pranonte mesazhe nga kinse nëna e djaloshit e cila i thoshte që ai do e vriste vetën. Babai i saj i kishte thënë se “i dashuri i saj i kishte dërguar fotografitë nudo” dhe pas këtij rasti ai kishte filluar të abuzonte seksualisht me të. Abuzimi u zbulua kur vajza ia tregoi të gjitha infermieres së shkollës. Kur policia filloi të hetojnë ata e kuptuan për të gjitha mesazhet që janë dërguar kinse nga i dashuri i vajzës. Dënimi për të pritet të shqiptohet në korrik të këtij viti.