ShSKUK: Nga sot do të fillojë Shërbimi i ri i Toksikologjisë

Në Shërbimin Spitalor dhe Klinik Universitar të Kosovës, përkatësisht, Qendrën Klinike Universitare të Kosovës, do të fillojë Shërbimi i ri i Toksikologjisë. Në njoftimin e ShSKUK-së thuhet se ky është hap inovativ dhe sjellë pajisje moderne dhe analiza të specializuara që  do të mundësojnë të diagnostikojmë me saktësi rastet e intoksikimit, qoftë në situata akute apo kronike. "Me teknologjinë më të avancuar, do të monitorojmë përqendrimin e barnave terapeutike në gjak dhe identifikojmë në mënyrë efikase rastet e abuzimit me droga dhe substancat e rrezikshme", thuhet në njoftim. Ndër tjera, shtohet se me këtë do të sigurojmë trajtime të nivelit ndërkombëtar, duke ofruar pacientëve një kujdes të shpejtë, të sigurt dhe efikas. /Klankosova.tv