“Shqipja do të bëhet gjuhë kombëtare e Zvicrës”, përgjigja e Yakin për 4 shqiptarët në ekip

Trajneri i Zvicrës, Murat Yakin, u përball me një pyetje të çuditshme në konferencën për shtyp të premten.

Jozo Brica nga formati i humorit SRF “Studio 404” pyet Murat Yakin: “A është më në fund skuadra mjaftueshëm shqiptare?”

“Në një moment shqipja do të bëhet gjuha e pestë kombëtare e Zvicrës”, reagon fillimisht Yakin me një buzëqeshje ironike, shkruan Blick, transmeton Klankosova.tv.

Por më pas ai flet seriozisht dhe thotë: “Unë nuk bëj dallime. Unë vetë jam rritur me kombësi të ndryshme. Në gjeneratën aktuale kemi lojtarë të mirë që vijnë nga Shqipëria dhe Kosova. Unë kam pasur gjithmonë kultura të ndryshme në karrierën time si trajner”.

Ndryshe për momentin janë katër lojtarë shqiptarë te Helvetikët; Granit Xhaka, Xherdan Shaqiri, Ardon Jashari e Andi Zeqiri.

Megjithëse, Jashari dhe Zeqiri rrezikojnë që të mos përfshihen në listën finale të Yakin.