Shpërthen kolera në Uganda, dy të vdekur e 43 të infektuar

Dy njerëz kanë humbur jetën si pasojë e një vale të re shpërthimi të kolerës në Uganda. Rastet saktësisht janë frekuentuar në lagjet e varfra të mbipopulluara në kryeqytetin Kampala, njofton Klan Kosova. Ministria e shëndetësisë konfirmoi në fundjavë se kishte 43 raste të dyshuara të kolerës në qytet dhe se dy njerëz kishin vdekur. Ajo tha se një njësi e izolimit emergjent ishte ngritur. "Nevojiten më shumë përpjekje për të siguruar që shpërthimi i kolerës të ndalojë. Duhet të punojmë më shumë për të siguruar që nuk kemi shumë raste ", tha Joyce Moriku Kaducu, ministër i shtetit i Ugandës për kujdesin shëndetësor parësor. Shirat e tanishëm të rënë pritet të përkeqësojnë përhapjen e sëmundjes, theksojnë më tej zyrtarët e ministrisë në Uganda. "[Kolera] vret një person brenda disa orësh", tha ajo. "Publiku kërkohet të jetë vigjilent dhe të raportojë çdo rast të dyshuar në objektin më të afërt shëndetësor." Periferitë e qytetit të prekur nga shpërthimi janë të gjitha të populluara, me praktika të këqija higjienike, hedhje të pahijshme të mbeturinave shtëpiake dhe njerëzore dhe konsum të lartë të ujit të jotëpijshëm dhe të papastër, njofton Klan Kosova.