Shpenzimet e mërgimtarëve: Diaspora harxhon rrymë, Dragashi në “terr” (VIDEO)

Përçuesit janë dërguar mbi malet e Sharrit, por rryma rrallë kalon nëpër tela. Fshatrat Restelicë, Krushevë, Zlipotok dhe Globoçicë të Dragashit të paktën katër ditë janë pa rrymë, por problemin me furnizim e kanë për gati një muaj. Kryetari i kësaj komune, Bexhet Xheladini fajtorin për këtë gjendje e ka gjetur tek rritja e madhe e konsumit. “Çdo verë paraqitet problemi me furnizim energji elektrike pasi vijnë shumë mërgimtarë dhe rritet shpenzimi i rrymës dhe sistemini vjetëruar s’ka mundur ta bartë shpenzimin e tepërt dhe kanë dalur jashtë sistemi dhe ka ardhur deri tek shkrirja e telave”, është shprehur ai. Për ta rregulluar këtë problem u bë edhe një marrëveshje mes dy institucioneve. Por, një banor i zonës thotë se mungesa e rrymës është problem i kahmotshëm. Ndërprerjet e shpeshta të energjisë i kanë shkaktuar humbje financiare një biznesi të asaj zone. Për këtë ka reaguar edhe deputetja Duda Balje, duke njoftuar se janë në kontakt me Keds për rritjen e kapacitetit të nënstacioneve në të gjitha zonat e Gorës. https://www.youtube.com/watch?v=KC5J5MatIp4