Shfaqja e famshme për fëmijë, Arthur do të përfundojë pas 25 vjetësh

Arthur, shfaqja e dashur televizive për fëmijët e viteve '90 do të përfundojë pas 25 vjetësh. Shfaqja, e cila ndjek aventurat e Arthur Aardvark, familjes dhe miqve të tij është seriali televiziv i animuar për fëmijë më i gjatë në historinë e SHBA. Transmetuesi amerikan PBS konfirmoi lajmin duke shtuar se episodi i fundit do të transmetohet vitin e ardhshëm. Arthur ka mbuluar tema të rëndësishme si martesat e të njëjtit seks. Shfaqja bazohet në një seri librash nga Marc Brown dhe është shfaqur gjithashtu në vende të tjera, transmeton Klan Kosova. Lajmi për anulimin e Arthur u zbulua nga një prej shkrimtarëve, Kathy Waugh. Duke folur në podcast Finding DW,  Kathy tha se Arthur nuk ishte më në prodhim dhe ekipi kishte pasur tashmë festën përfundimtare të shfaqjes. Ajo tha se sezoni i 25 -të dhe i fundit i Arthur do të transmetohej vitin e ardhshëm, por shfaqja do të ishte akoma e disponueshme në PBS Kids. Shfaqja u përqëndrua në mësimet e nxjerra nga Arthur dhe miqtë e tij dhe mbuloi çështje të tilla si astma, kanceri dhe disleksia. Gjithashtu u mësoi fëmijëve mësime rreth dallimeve të njerëzve, përfshirë personalitetet dhe interesat. Arthur fitoi gjashtë çmime Emmy dhe ishte aq i popullarizuar saqë kishte një numër të mysafirëve të famshëm, me Joan Rivers, Matt Damon dhe politikanin amerikan John Lewis.