“SHBA DUHET TË QËNDROJË LARG”, Irani thotë se u përgjigj pas sulmit në Damask, e konsideron çështje të përfunduar

Irani thotë se sulmi i tij ndaj Izraelit është një përgjigje ndaj sulmit të Izraelit ndaj konsullatës iraniane në Damask dhe "çështja mund të konsiderohet e përfunduar".

"Sidoqoftë, nëse regjimi izraelit bën një gabim tjetër, përgjigja e Iranit do të jetë dukshëm më e ashpër. Është një konflikt midis Iranit dhe regjimit mashtrues izraelit, nga i cili SHBA DUHET TË QËNDROJË LARG!", tha Misioni i Përhershëm i Iranit, në deklaratën e tij në X.

Izraeli në fillim të këtij muaji goditi një ndërtesë iraniane në kryeqytetin sirian Damask.

Izraeli pati thënë se beson se  ndërtesa iraniane e goditur në sulm ishte një "ndërtesë ushtarake", raporton CNN, transmeton Klankosova.tv.