Kërkimet për 78 vjeçarin Xhafer Raqi do të pezullohen përkohësisht

Edhe sot kanë vazhduar kërkimet për 78 vjeçarin Xhafer Raqi, i cili tash e gati një javë është shpallur i zhdukur nga familja.

Pas përfundimit të ditës së sotme, do të pezullohen kërkimet për të moshuarin, deri në marrjen e një informacioni të ri ose piste të re të kërkimi. Kështu tha për Klankosova.tv Mentor Maloku, kryetari i Shoqatës së Kosovës për Kërkim-Shpëtim.

"Kërkimet kanë vazhduar edhe sot. Është njoftim zyrtar që me përfundimin e kërkimeve sot do të pezullohen përkohësisht kërkimet deri në marrjen e ndonjë informacioni të ri ose ndonjë piste të re të kërkimit", deklaroi Maloku për Klankosova.tv.

Në operacionin e kërkimit, pos familjes e qytetarëve, janë angazhuar edhe policia, Shoqata e Kërkim-Shpëtimit, Drejtoria e Emergjencave e FSK-ja. Deri më tani krejt çka është gjetur është një sandale e cila dyshohet se i përket të moshuarit. /Klankosova.tv https://klankosova.tv/zgjerohet-perimetri-i-kerkimit-per-te-moshuarin-xhafer-raqi/