Xherdan Shaqiri, ka shkëlqyer në fitoren e Baselit ndaj Zurichut në Superligën e Zvicrës.
Baseli fitoi 4:3, dhe futbollisti me prejardhje shqiptare Xherdan Shaqiri që shënoi hiç më pak se tre gola.
Zurichu kaloi i pari në epërsi me anë të Matthias Phaeton në minutën e parë të ndeshjes.
Shaqa, e barazoi rezultatin pas dhjetë minutash, derisa Phillippe Keny shënoi në minutën e 43-të për rezultatin 2:1 për Zurichun.
Shaqiri doli sërish në skenë, duke shënuar për 2:2 në fund të pjesës së parë.
Philip Otele i Baselit shënoi me të filluar pjesa e dytë për 3:2, megjithatë, Damienus Reverson e barazoi rezultatin në minutën e 64-të.
Kur dukej se ndeshja do të mbyllej me barazim, Xherdan Shaqiri shënoi golin e tretë personal në ndeshje dhe golin e fitores për Baselin në minutën e 94-të të ndeshjes.
Ky ishte goli i nëntë i Shaqirit në elitën e futbollit zviceran këtë sezon, teksa ka edhe dhjetë asistime në emrin e tij.
Në këtë ndeshje luajti edhe një shqiptar tjetër, ai i kombëtares së Kosovës, Bledian Krasniqi i cili luajti për 55 minuta për Zurichun dhe duke asistuar në golin e parë.
Me këtë fitore, Baseli i ka 36 pikëve, në vendin e katërt, dhjetë më pak se vendi i parë që mbahet nga Thun.
Zurichu në anën tjetër është i teti me 25 pikë të tubuara.
●●●
ASHKRIMI NGA
albert
Editorial nga Klan Kosova — ndjek sport dhe zhvillimet e tjera kryesore të vendit.
