Senatori amerikan thyen rekordin për fjalimin më të gjatë në Senat, foli për mbi 25 orë

Senatori amerikan Cory Booker ka thyer rekordin për fjalimin më të gjatë të mbajtur ndonjëherë në Senat. Fjalimi maratonë i demokratit nga New Jersey, një protestë simbolike kundër Presidentit Donald Trump, përfundoi pas 25 orësh e katër minutash, shkruan BBC, transmeton Klankosova.tv. Edhe pse nuk ishte një filibuster - një fjalim i krijuar për të penguar miratimin e një projektligji - ai pengoi punën legjislative në Senatin e kontrolluar nga republikanët. Rregullat për fjalime të tilla kërkojnë që folësi të qëndrojë në këmbë dhe të heqë dorë nga pushimet në banjë. Rekordi i mëparshëm mbahej nga senatori republikan Strom Thurmond, i cili foli për 24 orë e 18 minuta kundër Aktit të të Drejtave Civile në 1957.