Sekonda para fluturimit drejt Kazakistanit, zbulohen 17 kg drogë e fshehur në valixhen e rusit

Një shtetas rus është arrestuar në Tajlandë pasi autoritetet doganore në Aeroportin Ndërkombëtar të Phuketit zbuluan më shumë se 17 kilogramë kanabis të fshehura në valixhet e tij. Sipas The Independent, i arrestuari është identifikuar si Sergei Chalabari, 30 vjeç, transmeton Klankosova.tv. Ai u ndalua të mërkurën, pak çaste përpara se të hipte në një fluturim me destinacion Kazakistanin. Gjatë kontrollit rutinë të bagazheve, zyrtarët doganorë vunë re parregullsi në valixhet e tij dhe vendosën t’i nënshtrojnë ato një kontrolli të detajuar. Pas hapjes së bagazheve, u zbuluan mbi 17 kilogramë kanabis, të paketuara dhe të fshehura me kujdes për të shmangur zbulimin.