Sadiku: Më 11 dhjetor afati i fundit i vendimit për Kosovën, Shqipëri-Kosovë mund të luhet në mars

Gazetari Arlind Sadiku ka thënë që më 11 dhjetor është afati i fundit kur do të merret vendimi për Kosovën në lidhje me ndeshjen e braktisur ndaj Rumanisë në Ligën e Kombeve.

Ai po ashtu tha se Kosova dhe Shqipëria mund të luajnë kundër njëra-tjetrës në mars.

“Faktikisht, më 11 dhjetor do të jetë data e fundit kur duhet të merret vendimi sepse më 13 dhjetor është shorti për kualifikimet për në Ligën e Kombeve”, ka thënë Sadiku në Kosova Today.

“Kështu që 11 dhjetori është afati i fundit kur do të merret vendimi për këtë çështje”.

“Shorti do të hidhet edhe për Ligën e Kombeve, se Kosova do ta ketë të garantuar një ndeshje të plejofit dhe mund të luajë me Shqipërinë”.