Dy futbollistët më të mirë në dekadat e fundit, Lionel Messi dhe Cristiano Ronaldo, së fundi duket se e kanë lënë mbrapa rivalitetin mes tyre.
Të dy e kanë bërë një fotografi së bashku duke luajtur shah, dhe e kanë publikuar në profilet e tyre zyrtare në rrjetet sociale.
Ajo u bë menjëherë virale në internet vetëm për pak minuta.
“Fitorja është gjendje shpirtërore. Një traditë e gjatë e punimit të valixheve e fotografuar nga Annie Leibovitz për Louis Vuitton”, thuhet në postimin e dy futbollistëve më të mirë në botë.
Por, si duket "gara" i takoj CR7-shit.
Fotoja e shpërndarë në rrjetet sociale, tek profili i tij ka më shumë Like si në Facebook ashtu edhe në Instagram.
Në Facebook, CR7 ka marrë mbi 7.2 milionë Like ndërsa Leo 5.4 milionë.
Sa i përket Instagramit, Ronaldo prin me numrin e ndjekësve.
●●●
ASHKRIMI NGA
albert
Editorial nga Klan Kosova — ndjek sport dhe zhvillimet e tjera kryesore të vendit.
