Rogova e Hasit së shpejti me Qendër të re të Kulturës

Ministria e Kulturës, Rinisë dhe Sportit, ka nënshkruar memorandum bashkëpunimi me Komunën e Gjakovës, për përkrahje financiare të projektit të “Ndërtimi i Qendrës së Kulturës në Rogovë të Hasit” ku do të investohen rreth 1.2 milionë euro. Memorandumi parasheh që ky projekt të realizohet në një periudhë tri vjeçare dhe mjetet financiare do të jenë të ndara në tri faza: vitin 2017 për këtë projekt nga ana e MKRS-së do të ndahen 100 mijë euro, për 2018-tën 500 mijë euro, 2019-tën 558.220 euro. Ndërkaq, Komuna e Gjakovës në këtë projekt do të investojë 10 mijë euro, transmeton Klan Kosova.