Jack Grealish, i cili po vazhdon karrierën e tij si i huazuar nga Manchester City te Evertoni, e ka mbyllur sezonin për shkak të një frakture në këmbë.
Futbollisti i kombëtares angleze ka shpërndarë një mesazh emocional në rrjetet sociale.
“Nuk doja që sezoni të përfundonte kështu, por futbolli është i tillë… jam i shkatërruar. U operova dhe tani jam plotësisht i fokusuar te rikuperimi. Do të kthehem më në formë, më i fortë dhe më i mirë se më parë. Mbështetja që kam parë që kur erdha në këtë klub të jashtëzakonshëm ka pasur shumë kuptim për mua. Stafi teknik, shokët e skuadrës dhe sidomos tifozët kanë qenë të mrekullueshëm. Më pëlqen ta përfaqësoj këtë klub. Do ta mbështes ekipin deri në fund dhe do të bëj gjithçka që të kthehem sa më shpejt. Faleminderit edhe një herë për gjithë këtë dashuri”, tha ai.
Gjithashtu pritet që ky dëmtim afatgjatë të rrezikojë seriozisht edhe mundësinë e Grealish për të luajtur në Kupën e Botës 2026.
●●●
SZSHKRIMI NGA
Sh Z
Editorial nga Klan Kosova — ndjek sport dhe zhvillimet e tjera kryesore të vendit.
