Rekordet që pritet t'i thyejë “King James” në NBA (VIDEO)

Sezonin e ri 2022/23 në NBA, Los Angeles Lakers e nisi me humbje. “Angels” pësuan disfatë nga kampioni aktual i NBA, Golden State Warriors, me rezultat final, 123-109. Pavarësisht humbjes, Lebron James dhuroi paraqitje fantastike në “Chase Center” të San Franciscos, duke i arritur shifrat magjike double – double, 31 pikë, 14 kërcime dhe 8 asistime. Aktualisht, “King James” ka shënuar gjithsej 37093 pikë në 1367 ndeshje te zhvilluara. Para tij është vetëm Kareem Abdul-Jabbar me 1294 pikë më shumë të realizuara se ylli i La Lakers. Nëse James vazhdon me efikasitetin e njëjtë, atëherë në prill të vitit 2023 ai pritet të jetë koshashënuesi më i mirë në histori të NBA. Përveç kësaj, 37-vjeçari pritet të thyejë edhe një tjetër rekord, por me ndihmën e djalit të tij, Bronny James. Ky i fundit në edicionin 2023/24, pritet të draftohet në NBA. Nëse ndodh kjo, atëherë Lebron James do të jetë basketbollisti i vetëm në histori të garës së famshme në basketboll që do të luajë në një skuadër me djalin e tij. Bronny James po shkon në hapat e babait të tij. Më poshtë klikoni dhe mund ta shihni një ngulitje “monstruoze” në stilin e “King James”. /Klankosova.tv/