Lajmet e fundit
Një regjistrim ka kapur shpërthimin e zhytëses Titan, e cila u zhduk në udhëtimin e saj drejt rrënojave të Titanikut.
Një regjistrues akustik pasiv i vendosur rreth 1 mijë e 400 kilometra nga vendi i shpërthimit, e kapi tingullin, thanë zyrtarët e Rojës Bregdetare të ShBA-së në një deklaratë.
Regjistrimi i shkurtër përfshin një zhurmë të madhe që tingëllon si një duartrokitje e mbytur, përpara se të heshtë për disa sekonda.
Roja bregdetare tha se klipi audio "regjistron nënshkrimin e dyshuar akustik të shpërthimit të zhytëses Titan" më 18 qershor 2023.
Shpërthimi vrau të pesë njerëzit në bord.
Nëndetësja u zhduk gjatë rrugës për të vizituar rrënojat e Titanikut në Oqeanin Atlantik të Veriut, duke nisur një kërkim pesë-ditor që përfundoi kur autoritetet thanë se anija ishte shkatërruar pa të mbijetuar.
Sipas zyrtarëve, rrënojat u gjetën përfundimisht në fundin e oqeanit rreth 300 metra larg Titanikut.
OceanGate pezulloi operacionet në korrik 2023.
