Reali nuk lejon befasi në "ligën e vet"

Real Madridi ka kaluar në çerekfinale të Ligës së Kampionëve, pasi mposhti Leipzigun, me rezultat të përgjithshëm 2-1, nga dy ndeshjet në kuadër të 1/8 së finales. Takimi që u zhvillua të mërkurën në “Santiago Bernabeu”, u mbyll baras 1-1. Të parët kaluan në epërsi vendasit me anë të Vinicius Junior, në minutën e 65’, i cili u shërbye mirë nga Jude Bellingham. Megjithatë, Willi Orban brenda tre minutave e barazoi rezultatin për ekipin gjerman. Kështu Realit i ndihmoi rezultati nga ndeshja e parë në Gjermani të cilën e fitoi me shifrat 1-0, për të avancuar në fazën tjetër. "Mbretërit", e kanë fituar këtë garë 14 herë në histori të klubit, duke qenë rekordmen absolut. Përndryshe, shorti për çerekfinalet, gjysmëfinalet dhe finalen e Ligës së Kampionëve do të hidhet me 15 mars në Nyon të Zvicrës./Klankosova.tv.