Reagimi i shpejtë mjekësor - rikthehet në jetë 50-vjeçari në Gjilan (VIDEO)

Një 50-vjeçar nga Kamenica të dielën pësoi sulm në zemër dhe në emergjencën e Spitalit të Gjilanit shkoi pa shenja jete. Por, shtrirja në shtratin e këtij institucioni shëndetësor për H.M u bënë sekondat e tij të artë. Kjo meqë pas 15 minutash reanimimi nga shefi i Emergjencës, Begush Cana, me ekipin tij të cilët reaguan shpejtë, arritën që pacientin ta kthejnë në jetë. Specialisti Cana, tha se këto raste nuk i kanë të rralla, derisa shtoi se ky sukses vjen si shkak i përfilljes se protokolleve të reanimimit dhe angazhimit të përbashkët. Ndërkaq, ai e sheh tejet të rëndësishëm fuqizimin e shërbimit emergjent kudo në vend, shërbim ky vendimtar e jetik. E pikërisht ato  hapësira dhe disa reparte tjera në këtë spital do rinovohen nga një investimi qeverisë së Luksemburgut. Mesatarja e numrit të pacientëve në një 24 orësh në spitalin e Gjilanit është 120 -140. https://www.youtube.com/watch?v=zFpG-gdqFXk