Rasti misterioz: 43 vjeçari i cili kurrë nuk u largua nga shtëpia

Policia gjermane po heton rastin e një çifti për të cilët thuhet se e kanë mbajtur djalin e tyre në shtëpi në një fshat pranë qytetit bavarez të Bayreuth për 30 vjet, transmeton Klan Kosova. Burri i cili tani është 43 vjeçar, rrallë është parë që nga koha kur ndërprerë shkollën në moshën 13 vjeçare. Policia thotë se ai dukej i lënë pas dore. Nëna e tij tha për mediat lokale se “ai nuk dëshironte që të dilte nga shtëpia” , dhe ajo e ka lejuar këtë gjë pasi dëshironte ta mbronte djalin e saj. Policia u alarmua nga rasti misterioz muajin e kaluar, ndërsa e morrën burrin dhe e dërguan në spital. Ai nuk është identifikuar për shkak të ligjeve të rrepta të privatësisë në Gjermani. “Ndoshta ai dëshironte të jetonte në atë mënyrë”. “Ne nuk e dimë saktësisht që sa kohë ka jetuar burri atje pa kontakte të rregullta me botën e jashtme, as nuk e dimë se si ishte situata”, u ka thënë gazetarëve zëdhënësi i policisë, Juergen Stadter. Në një konferencë të mërkurën polici tha se kishte prova që ai kishte qenë në gjendje të lëviz lirishëm nëpër shtëpi, dhe nuk ishte lidhur me zinxhirë.