Rasti i dhunimit të 13 vjeçares: Prokuroria kërkon paraburgim ndaj të dyshuarve

Prokuroria Themelore e Pejës, ka kërkuar caktimin e masës së paraburgimit ndaj dy të dyshuarve në rastin e dhunimit të 13-vjeçares. Kjo u bë e ditur për Klankosova.tv nga kryeprokurori i Pejës Agim Kurmehaj. "Me sa kam informacion seanca veçse është duke u mbajtur në gjykatë. Prokurorja e rastit, për të mitur, e ka bërë kërkesën dhe jemi në pritje", tha ai. Kurmehaj theksoi se viktima ishte dërguar edhe për ekzaminim mjekësor. "Është një nga veprimet e para që i ndërmarrim në këto raste" deklaroi i pari i organit të akuzës në Pejë për Klankosova.tv Lidhur me rastin Klankosova.tv ka raportuar edhe mbrëmë. https://klankosova.tv/nje-13-vjecare-dyshohet-se-u-dhunua-ne-drenas-dy-te-arrestuar-nga-policia/