Rashica, yll në fitoren e Beshiktashit ndaj Bilbaos

Milot Rashica i ka shënuar dy gola në fitoren 4:1 të Beshiktashit ndaj Athletic Bilbaos në Europa League. Kosovari fillimisht kaloi vendësit në epërsi në minutën e 17-të falë asistimit të Rafa Silvës. Baskët barazuan përmes Unai Gomezit në minutën e 45-të të takimit. Kënga e njëjtë për dardanin vazhdoi edhe në pjesën e dytë, pasi Rashica shënoi për 2:1 në minutën e 60-të, sërish i asistuar nga Rafa Silva. Ky i fundit e shënoi të tretin në minutën e 77-të, teksa një gol nga penaltia nga Joao Mario, 92', e vulosi fitoren e klubit turk që tani zë vendin e 18-të me nëntë pikë, teksa Bilbao bie në të dytin me 16 sosh.