Ramos provon sport të ri, stërvitet me kampionin e UFC-së

Sergio Ramos, i cili së fundmi u largua nga klubi i tij Monterrey në Meksikë, tregoi formë fizike dhe kimi mbresëlënëse me luftëtarin e arteve marciale të përziera, Ilia Topuria Ish-mbrojtësi i Real Madridit, PSG-së dhe Sevillas mori pjesë në një seancë stërvitore unike me kampionin e peshave të lehta të UFC-së, Ilia Topuria. Seanca bashkoi botën e futbollit dhe MMA-së, duke shfaqur aftësitë e të dy atletëve, transmeton Klankosova.tv

Ilia Topuria, i cili ka 17 fitore në MMA, theksoi efektivitetin e një seance të tillë, duke i lejuar atij të mprehte goditjet dhe teknikën e tij, ndërsa për Ramosin ishte një shans për të provuar veten në një disiplinë sportive krejtësisht të re.

Vlen të përmendet se Sergio Ramos u largua së fundi nga Monterrey dhe aktualisht është pa klub, megjithëse lojtari mezi pret të kthehet në futbollin evropian me shpresën për t'u rikthyer në ekipin kombëtar spanjoll. /Klankosova.tv