Kryeministri Edi Rama ka uruar në mënyrë mjaft origjinale, nëpërmjet një fotoje, 81-vjetorin e lindjes së shkrimtarit, Ismail Kadare.
Në mesazhin e Ramës në Facebook nënvizohet se Kadare “mbetet maja e penës së letërsisë shqipe, shkrimtari që e ngriti gjuhën tonë në lartësira të panjohura”.
Më poshtë është shkrimi i tij i plotë:
Ismail Kadare, në 81 vjetorin e tij të lindjes, mbetet maja e penës së letërsisë shqipe, shkrimtari që e ngriti gjuhën tonë në lartësira të panjohura dhe mbresoi çdo lexues me forcën magnetike të talentit të tij letrar.
Fjalët janë të tepërta në këtë episod të kësaj rubrike po mbase ia vlen pikërisht ky rast për t’u kujtuar edhe qe pas një burri të shquar, siç thoshte frengu Legouvé, qëndron gjithmonë një grua e veçantë.
Gëzuar Ismail Kadare dhe u bëfshin 100 vitet e romanit të jashtëzakonshem të jetës Suaj krijuese!
●●●
Shpërndaje këtë artikull
AB
SHKRIMI NGA
A. BA
Editorial nga Klan Kosova — ndjek lajme dhe zhvillimet e tjera kryesore të vendit.
