Rahovec: Shkëputet vinçi, lëndohen dy punëtorë

Dy persona janë lënduar derisa ishin duke punuar. Rasti ka ndodhur të shtunën në Rahovec, në rrugën "Vëllezërit Frashëri", rreth orës 10:00. Kështu deklaroi për Klankosova.tv Sheremet Elezaj, zëdhënës i policisë për rajonin e Gjakovës. Elezaj tha se ata u lënduan derisa ishin duke punuar në ndërtimin e një shtëpie. Ai shtoi se ngjarja ka ndodhur si pasojë e shkëputjes së vinçit nga pllaka. "Viktimat janë dërguar për tretman mjekësor. Në vendin e ngjarjes kanë dalë njësitet përkatëse dhe inspektori i punës. Lidhur me rastin është njoftuar prokurori", tha ajo. Rasti është hapur nga policia dhe po cilësohet si "Asgjësim, dëmtim ose heqje e pajisjeve mbrojtëse". Raportohet se njëri nga punëtorët pësoi lëndime me të rënda dhe u dërgua për trajtim në Qendren Klinike dhe Universitare.