Qeveria e Bangladeshit do paguajë shërimin e "njeriut - pemë"

Qeveria e Bangladeshit, do të paguajë për shërimin e “njeriut-pemë”, Abul Bajandar, që vuan nga një sëmundje e rrallë që shkakton lytha të shumta në trupin e tij. Ministri i Shëndetësisë, Mohammad Nasim, e bëri këtë njoftim pas vizitës së Bajandar në spital, transmeton Klan Kosova. Bajandar vuan nga epidermodysplasia verruciformi, që si pasojë rriten shumë lytha në trupin e tij dhe ndryshe kjo sëmundje njihet si “sëmundja e njeriut pemë”. Për herë të parë atij i’u zhvilluan lythat para 10 viteve. “Njëherë mendova që ato janë të padëmshme”, u shpreh Bajandar. Ai kishte shkuar së bashku me familjen e tij për në Indi, që të shërohet mirëpo operacioni ishte shumë i shtrenjtë dhe ata nuk mund t’i mbulonin këto shpenzime. Monstrat e gjakut si dhe të indeve të lëkurës së tij, tani janë duke u dërguar për në laboratorin e kirurgut plastik që vepron në ShBA, Abdul Kalam. Më poshtë mund ta lexoni artikullin e mëhershëm për Abul Bajandar dhe sëmundjen e tij. http://klankosova.tv/njeriu-qe-u-shnderrua-ne-peme/